Други права од работен однос

Здравствените работници, како и сите други професии и работни профили, уживаат и други права од работниот однос регулирани со Законот за работни односи:

­ - право на плата (член 105);
­ - право на утврдување на работното време (член 116 и 118);
­ - право на дневни и годишни одмори (член 132 и 137);
­ - право на образование на работници и право на платено отсуство од работа заради образование (член 154 и член  155).

Од аспект на заштитата на правата од работни односи значајно е да се истакне можноста за користење на Државниот инспекторат за труд, кој, во согласност со Законот за инспекција на трудот, „врши инспекциски надзор над примената на законите и другите прописи за работни односи, вработување и заштита при работа и на колективните договори, договорите за работа и другите акти, со кои се уредуваат и остваруваат правата, обврските и одговорностите на работниците и работодавците во областа на работните односи, вработувањето и заштитата при работа“ (член 1).

Закон за работни односи

Закон за инспекција на трудот